Team Luxembourg
Home Members Forum Guestbook Fight us
Team Luxembourg














> 12 Joer Team Lëtzebuerg! <



Genee haut op den Dag gëtt et eis Nintendo Online Community Team Lëtzebuerg 12 Joer al! Et war den 1.2.2007 wou een Iesel gemengt huet een Online-Website op Clanplanet.de opzemaachen.

12 Joer Online-Präsenz, wou mer ganz vill zesumme flott a dramatesch Momenter mateneen erlieft hunn. 12 Joer, wou vill Membere komm a gaange sinn an domadder ni bei eis langweileg ginn ass. Mir si vläicht net di eelste Gaming Organisatioun aus Lëtzebuerg, mee definitiv eng vun den eelsten hei am Land mat enger Liewensdauer, wou aner Communities hei am Land et just mol hikrut hunn fir 12 Minutten als Gespréichsthema waren. Di eng hunn Respekt virun deenen 12 Joer Gaming Entertainment an di aner trëppelen se emol wéi op di gewinnte Lëtzebuergesch Aart a Weis mat de Féiss. Dat ass eis duerchaus bewosst, mee wien eis kennt, mir maachen eise Wee weider.

Mir schaffen de Moment un villen Iwwerraschunge fir Iech. Wat eben aneschters wei an deenen 12 Joer ass, mëttlerweil schafft een och an et kritt een nu alt emol net alles rechtzäiteg fäerdeg, grad wann an der Aarbechtswelt ëmmer nees onerwaarten Iwwerraschungen optauchen. Wien eis awer kennt, weess, dass mir eng vun den eenzege Communities sinn, di eng reegelméisseg Aktivitéit opzeweisen huet.
Et ginn ëmmer nees Momenter, wou een sech d'Fro stellt, op een do net virun 12 Joer vläicht säi gréisste Feeler gema huet a sengem Liewen, fir esou eng Community ze . Wann een all di spaasseg Online Gaming Owenter matenee kuckt an och TL Trëffs (jo di wäerten no enger laanger Paus nees aktivéiert ginn), da weess ee ganz genau et huet een alles richteg gema!

Ech soen de Leit een decke Merci un all di Leit, sief et Fanboys an och esou eis kleng sténkeg Haters, di e puer Minutten an hirem Liewe mat eis verbruecht hunn, sief et positiv, mee och negativ, well et ass ëmmer faszinant ze gesinn, wann Leit keng besser zum Beispill ze dinn hunn, fir eis Videos opzeruffen an eng Partie Dislikes ze hannerloossen.

Op nach vill weider Joer a sidd gespaant wat an nächster Zukunft op Iech duer kennt.

~Team Lëtzebuerg



CP Logo
Privacy Policy | Powered by Clanplanet - www.clanplanet.de